舉腳贊成

教育局終於宣布, 出年小六TSA取消
呈分試同所謂既pre-s1就照常
到2013年就掉轉啦, 要考TSA, 就唔駛考pre-s1
呈分試就冇得豁免, 年年都要考
真係好多謝教育局呢個咁有腦既安排喇


換言之, 我家中既仔仔出年可以少考呢個所謂全港性系統評估
當仔仔聽到後當然開心
因為可以考少一個試
可想而知考試帯比現今學生好沈重既壓力

學校日日不同科目既工作紙
一張又一張TSA操練.......
放學後還要留校
目的又是TSA操練.........
我想問:
究竟學生們返學係咪淨係為左TSA呢個試呢?
點解學校要咁樣操練法呢?

我身為兩個子女既母親
女女今年F.5
佢同樣係經歷過以上咁多考試
我都唔敢向佢施以壓力
今年又到仔仔小六
我同樣都係叫佢盡左自己既努力就可以