粉晶鹽三文魚扒

睇下呢包鹽係咪好勁呀?
見過超市賣細細樽成五十幾六十蚊
而呢包有500g都係賣三十蚊, 有排用啦!
第一次見d鹽咁靚
好似未經打磨既粉紅晶, 好靚!

個LC grill 係舊年開倉時買
等左足足一年先同佢剪綵

先先用少許油搽勻
開小火等隻grill 夠熱先放塊魚扒落去
放左落去冇咩位剩
睇黎如果要整多d野都要買隻大d先得
哈! 又搵到藉口去買野

跟住落調味料
唔少得落呢d咁靚既鹽
加d黑椒
煎完一面先反去另一面

但係一反就知呢次衰左
因為塊魚扒爛左
好肉酸呀呢次搞到
失敗既原因應該係塊扒索得唔夠乾
仲有水份所以引致咁既後果
下次一定要夠晒乾身先煎
味道就唔錯, 係樣衰d咁姐
呢d就叫自我安慰, 哈哈!